يسوع يااحن قلب

يسوع يا أحن قلب ..يسوع يا أدفئ حضن
ياسند للمسكين والغلبان
ياشفاء للقلب المكسور والتعبان
ياللي خلقت الدنيا في 7 أيام
إخلق فيا ياربي قلب مفهوش أثام
أنا عارف إني إنسان خاطي ومليان شرور
عارف إن عمري كله قضيته في عالم فاني هايروح
عارف إن كل حياتي ضاعت من غير ما أعيشها يوم ليك
يا يسوع .. يايسوع أنا جاي النهاردة ومقدم قلبي تحت رجليك
إقبلني تاني خروف من خرافك
أنا خايف يارب أعيش لوحدي تاني
خايف ألقى العمر بيجري في عالم شهوات فاني
ويجي عليا الدور في الموت
أقول إستنى شوية علشان أرجع اتوب
يقولي لا مفيش وقت خلاص الوقت فات
وأقف قدامك وأنا خايف ومرعوب وحزين
تيجي تسألني أرد اقولك إيه
أقولك بتمتع بالدنيا وناسيك ياربي الحبيب
ولا أقولك إني ناسيك يارب ومافكرتش يوم فيك
وتيجي تقولي خلاص مكانك مش معايا
إنت مش ليا ولا هاتكون ويايا
هاتنزل تحت عند الشيطان
هناك العذاب والبكاء وصرير الإسنان
لا يارب .. لا يارب .. أنا راجع دلوقتي
مش هاستنا العمر مني يفوت
وأنا بعيد عنك يارب بحس إني بموت
ببقي خايف يارب أموت قبل ما أتوب
لكن دلوقتي ياحبيبي يسوع
هارجعلك ... وأرجعلك بقلب مفهوش غير المحبة
يارب ... كلمة في قلبي نفسي أقولهالك من زمان
بحبك يا يسوع ... بحبك يانبع الحنان